Басты бет / Жүктілік & босану / Жүктілік / Босануға дейінгі бандажды таңдаймыз

Босануға дейінгі бандажды таңдаймыз

Босануға дейінгі бандажды (ішті тартып буатын ерекше белбеу) таңдаймыз

Босануға дейінгі бандажды дәрігер мамандар жүктіліктің 15-16 аптасында (іш үлкейіп, оған қосымша сүйеніш қажет болған жағдайда) қолдануды ұсынады. Дұрыс таңдалған бандаж омыртқаға салмақ түсірмейді, арқаңыздың ауырсынғанын сездірмейді. Сонымен қоса, ол сәбидің жатырда дұрыс орналасуына да көмектеседі, қан айналысын да жақсартады, ал жүктіліктің соңғы кезеңдерінде шарананың іште домалап кетпеуін қамтамасыз етеді (егер бала жатырда дұрыс орналаспаса, бандажды қолдануға тыйым салынады!).

Босануға дейінгі бандаж, Жүкті әйелдерге арналған бандаж
Жүкті әйелдерге арналған бандаж. vitae.kiev.ua

Дәрігерлер бандажды көп ұрықты (егіз, үшем) немесе екінші рет жүкті болған аналарға, омыртқасының қисайғаны не остеохондроз байқалған аналарға, жамбас түбі бұлшықеттері мен алдыңғы жатыр қабаты бұлшықеттері әлсіз болып келген аналарға дәрігердің нұсқаулығымен қолдануға болады. Жатырда су мөлшері артық болған жағдайда, шарананың көлемінің өте үлкен болғанында қолдануға ұсынылады. Қолданбас бұрын міндетті түрде дәрігерден кеңес алуыңыз керек!

Дүкендерде бандаждың бірнеше түрлері кездеседі:

  • дамбал түріндегі (трусы) бандаж – биік белбеуі, арқаңызға салмақ түсірмеу үшін іштің төменгі жағынан сүйеп тұратын ендірмесі бар. Бандаждың бұл түрінің артықшылығы – күрделі ілгектер мен баулары жоқ. Ал кемшілігі – жалаңаш денеге киюге, тиісінше жиі-жиі жуып тұруға (одан бандаж іске жарамсыз болып қалады) тура келеді. Сонымен қоса, синтетикадан жасалған матасы тітіркенуді (аллергия) туғызуы мүмкін.
  • баулықты бандаж – белбеуі кең, табиғи, тығыз маталардан тігіледі. Мұндай бандажды іш киімнің сыртынан киеді. Баулары іштің өсуіне байланысты бандажды кеңейтіп отыруға мүмкіндік береді. Кемшілігі – өз бетіңізбен бұл бандажды кию қиын, ал мақтасы созылмалы матадан жасалмағандықтан, ішті жақсы ұстап тұра алмайды.
  • белбеу-бандаж – іш киімнің үстінен киетін созылмалы лента тәріздес. Бандаж ішінің астынан және бүйір жағынан арнайы жабысқыштармен (оларды іштің көлеміне байланысты оңай қысқартуға-ұзартуға болады) реттеледі.

Бандажды дәріханалардан немесе арнайы дүкендерден сатып алған жөн. Өзіңізді кейін жайлы сезіну үшін міндетті түрде өлшеп қарап алуыңыз қажет! Ол үшін бандажды арқаңызға жатып (осы жағдайда жатырыңыз дұрыс қалпында болады) өлшеңіз.
Бандажды күні бойы шешпей киіп жүруге болмайды. Әрбір 3 сағаттан соң шешіп, жарты сағаттай үзіліс жасап отыруыңыз керек.

Қызықты мақалалар

Абайла! Токсоплазмоз індеті жұғады

Жүкті әйелдер денсалуықтарын дұрыстап күту керек. Болашақ ананың денсаулығы болашақ сәбидің денсаулығына тікелей әсер етеді. …

6 комментариев

  1. Гулшат

    сонгы етек кирим 12мартта келди узида тексеруден откенимде майдын 20сында узига тускенимде жуктилигим 6апталык деди солай болуы мумкинба негизинде 9апта болу керек емеспа мендеги жагдайды калай атауга болады отиниш жауабынызды кутемин

  2. Гулшат

    менин сонгы етек кирим 12март жуктимин ишимдеги саби 9апта болу керек узи 6апталык деп берди сонда ишимдеги саби оспей калган болама?

  3. 24 аптада бандажды тағуға бола ма

  4. алтын жаны

    салеметсиздерме менин сурайын дегеним менин аягым ауыр бирак акпан айында спераль салдыргам сперал барда жүктилик калай отеди балага зияны барма даригерге каралыбем узи сперал жок деп корсетти деиди калай тусинуге болады мени мазалап жур осы сурак отинем жауап берниздерши жуктилигиме казир бес ай болды

  5. Салеметсиздерме маган 20 апта болды. Жагдайым жаксы озимди жаксы сезинем , алайда мен ишим омырауым катты. Кышиды денеме. Кунде арнайы крем кейде суиык майын жагам тери жыртылуы болама деп коркам. Не истесем болады. Бул менин екинши балам бирши балада буындай болган жок .

  6. Салеметсиздерме! Менде казир 20 апта менин омырауым мен ишим катты кышиды. Териге арналган крем жагам кейде суйык май да жагам. Баска не истеуге болады.Менин екинши балам биринши баламда бундай болган емес.

Добавить комментарий

Ваш e-mail не будет опубликован. Обязательные поля помечены *

error: !!!Мақалаларды рұқсатсыз пайдалануға болмайды!!! Сайттағы мақалаларды тек қана жеке басыңыздың қажеттілігі үшін пайдалануға немесе ағартушылық мақсаттарда ғана көшіруге болады. Мақалаларды сайт әкімшілігінің жазбаша рұқсатынсыз коммерциялық баспа өнімдерінде жариялауға, теле-радио хабарларға пайдалануға және басқа да коммерциялық мақсаттарға пайдалануға болмайды. Мысалы, газет-журналдарда жариялау, телебағдарлама сюжетіне пайдалану сынды әрекеттер редакцияның жазбаша рұқсатынсыз жасалмау керек.
Яндекс.Метрика