«Әке мен шешенің баланың алдында үш міндеті бар: туғанда жақсы ат қою, дінге тәрбиелеу, үйлендіру (қыз болса – ұзату)» Хадис-шариф
Азан шақырып ат қою — сәбиге ат қоюдың мұсылманша дәстүрі. Сәбидің бір құлағына азан шақырып, екінші құлағына қамат айтып есім қою сүннет амал болып саналады. Бұл амал нәрестенің жынысына байланысты емес: ұлға да, қызға да жасалады. Ислам дінін ұстанған қазақ халқы үшін тым жат емес дәстүрлердің бірі болғандықтан «азан шақырып қойған аты» деген тіркесті күнделікті қолданысқа енгізіп жібергенбіз.
Перзентінің құлағына азан шақырып, жақсы есім қою — Ислам дінінің ата-анаға жүктейтін жауапты міндеттерінің бірі. Әке-шешесі таңдаған есім баласы өскенде кесірін тигізбейтін болуы шарт. Сондай-ақ, адам есімінің мағыналық тұрғыда өте сауатты болуының маңызы туралы хадис-шарифте де айтылған: «Сендер қиямет күні өздеріңнің есімдеріңмен және әкелеріңнің есімдерімен шақырыласыңдар, сондықтан да есімдеріңді жақсартыңдар»
Атты неге азан шақырып қояды?
Азан шақырып ат қою — Мұхаммед (с.а.у) пайғамбардан қалған өсиет, сүннет амал.
Пайғамбарымыз (с.а.у.) баланың құлағына азан шақырып, жақсы есім қоюды үмбетіне өсиет еткен. Күнделікті оқылатын бес уақыт намаздың уақыты кіргенін мұсылмандарға хабарлағанда азан айтылады, сондай-ақ, сәбиге ат қояр сәтте де құлағына азан шақырылады. Ибн Аббастың (р.а.) риуаят етуі бойынша пайғамбарымыз (с.а.у.) немересі Хасан дүниеге келгенде, оның оң құлағына азан, сол құлағына қамат оқыған (Тирмизи, Әдаһи, 15).
Сондай-ақ нәрестенің ең алғашқы естіген даусы азан үні болғаны дұрыс. Себебі оқылған азан мен қамат, сәбиге жасалған алғашқы иман қадамы болып табылады. Азанның мағынасы мен мазмұнында тәкбір (Алланың Ұлылығы), таухид (Алланың жалғыздығы), пайғамбарлық және намаз сияқты діннің негіздері қамтылуда.
Ұқсас мақалалар
Балаға ат қоюдың 20 түрлі ерекшеліктері
фото: rumuslims.net
Пайдаланылған әдебиеттер:
Сәлеметсіздерме, өтінемін жауап жазыңыз, балама азан шақырып ат қойылды, бірақ есімінің мағынасы мүлде ұнамайды, кезінде үлкен адам қойғасын араласпадым, енді ол 4 жаста, азан шақырып басқа есім қойсам болады ма? Немесе екінші есімі қылып осыны? Діни тұрғыдан осы дұрыс болады ма?
Саламатсызба. Діни тұрғыдан тыйым жоқ.
Саламатсыздар ма! Жауап бериниздерш. Аллага шукир жакында улды болдым, енди баланын есимин атам озинин 7 атасынын есимин бермекши. Бари карсылык корсетседе кояр емес. Олай истеуге бола ма?
Саламатсызба!
Сіз айтып отырған жағдай қазақы отбасыларға тән ғой. Негізі, балаға ат қою баланың ата-анасының мойнындағы жауапты іс боп саналады. Балаға дұрыс әрі өз заманына сайт ат қою өте маңызды.
Саламатсыз ба? Балама 2 ай болды атын азан шакырып койган жокпыз енди койсак бола ма
Саламатсызба! Болады. Бауы берік болсын!
Салеметсізбе,қызымыз 1де азан шақырып ат қойылмады,енді кеш емеспе?
Ассалямуалейкум!
Жасым 32. Есімімді азан шақырып қоймаған.. Атымды азан шақырып мағыналы атка өзгертсем балама?