Іштегі майды кетірудің ең оңай жолы – вакуум. Бұл жаттығуға күнделікті 2-3 минут уақытыңыз кетеді. Жаттығу арқасында қарынның көлемі кішірейіп, қатпарлы майдан арыласыз. Вакуумды отырып, жатқан қалыпта, тұрып немесе төрт тағандап тұрып істеуге болады. Вакуум жаттығуының ережесі: 1. Аяқты иық деңгейіне қоямыз. 2. Мұрын арқылы терең демаламыз. 3. Демді ауызбен шығарамыз. Бір қалыпта тұруыңыз қажет. 4. Демді шығару барысында қарынды арқа омыртқасына барынша тарта түсесіз. 5. 10-15 секунд осы қалыпта тұрасыз. 6. 10-15 секунд өткен соң, ақырындап демалып, ішіңізді босатыңыз. 7. 2-3 рет тағы жоғарыда айталғанды қайталап шығасыз. Алғашқы кезде қиындық тудыруы мүмкін. Уақыт өте келе үйреншікті жаттығуыңызға айналады. Вакуумды таңертең ашқарынға жасаған абзал. Əдемі мүсінге жасаған қадамыңызға іске сəт!
