Жүкті әйелге керек 10 кеңес

1.  Дәрігерге барып тексеріліңіз: жүктілік жағдайы қалай болып жатыр? Денсаулығыңызда барлығы дұрыс па? Гемоглобин төмен емес пе? Осының барлығын анықтаңыз.

2.  Денсаулыққа зиянды тағамдарды қолдануды азайтыңыз: газдалған сусын, фаст-фудтар, спиртті ішімдіктер, т.б. Жүктіліктің алғашқы айында баланың маңызды дене мүшелері пайда бола бастайды. Барлық зиянды тағамдар баланың жетілуіне кері әсерін береді.

3. Барынша сабыр сақтап, ашуланбай, жақсы көңіл-күйде болуға тырысыңыз. Есіңізде болсын: сіздің өткеріп жатқан барлық эмоцияңыз құрсақтағы балаға тікелей әсер етеді.

4. Көптеп Құран тыңдаңыз: баланың алғыр, зерек, иманды, көркем мінезді болып өсуіне септігін тигізеді. Ешкімді ғайбаттамаңыз, жағымсыз әңгімелерді айтып, жүйкеңізді жұқартпаңыз.

5. Таза ауада көп серуендеуге тырысыңыз: өзіңізге де, балаға да пайдалы. Токсикоздың жеңіл өтуіне көмектеседі

6. Ұйқыңызды қандырып, толық 8 сағат ұйықтаңыз. Ішкі ағзалардың дұрыс қызмет атқарып, иммунитетіңіздің әлсіремеуіне пайдасын тигізеді

7. Көптеп қимыл-қозғалыс жасауға тырысыңыз: жеңіл жаттығулар жасаңыз. Қимылыңыз көп болса, босану да оңай болады

8. Жүктіліктің барлық кезеңінде Кегель жаттығуы мен оваральды тынысалу жаттығуын жасауды ұмытпаңыз. Босанғанда оңай, әрі тез, қиындықсыз босанасыз

9. Компьютер мен телефонды аз қолданыңыз. Олардан бөлінген зиянды заттар баланың денсаулығына кері әсерін беруі мүмкін

10. Жүктіліктің соңғы айларында шоколад, цитрусты жемістер мен экзотикалық жемістерді аз қолдануға тырысыңыз. Сонда балада аллергия туындамайды.

Ең бастысы өзіңізге сеніңіз, интуицияңызды тыңдаңыз!

Яндекс.Метрика