Сұлулық сыры шашта

1429252185_e345fac6bc5c868f0222430c733faСұлулықтың сыры, әсіресе әйел заты үшін шаш пен оның күтімінде десек, қателеспеген болар едік. Қазіргі уақытта көптеген қыз-келіншектер шаштың тым көп түсуіне байланысты алаңдаушылықтарын білдіріп жүр. 

Солсебепті де, оқырман қыз-келіншектерімізге шаш күтіміне қатысты таңдаулы маска түрлерін ұсынуды жөн көрдік. Негізінде, шашты аптасына екі-үш рет жуып тұрған жөн. Жылына 2-3 рет ұшын кестіріп тұру керек. Одан басқа, аптасына 1 рет маска жасап тұрсаңыз, жуар алдында саусақтарыңызбен басыңызға массаж жасап тұрсаңыз, шашыңыздағы қан айналымы жақсарып, тезірек өседі.

Шаш түсуіне қарсы маска:
• 1 шай қасық майсана майы (касторовое)
• 1 шай қасық пияз суы
• 1 ас қасық қырмызы гүлінің тұнбасы
• 1 шай қасық ащы лазы тұнбасы
• 1 шай қасық бал
• 1 қасық коньяк
• 1 жұмыртқаның сары уызы
Барлығын араластырып, алынған қоспаны шашыңызға жағасыз. Арнайы бас киім немесе орамалмен орап, 1 сағат ұстайсыз.

Шаш өсуін жылдамдататын маска:
250 г құрғақ шай ұнтағына ½ кесе ақ арақ құйып, екі сағат қойыңыз. Содан соң сүзгіштен өткізіп, сұйығын шашқа жағу қажет. Сыртынан полиэтилен киіп, 1 сағат ұстайсыз. Аптасына 2 рет 1 ай бойы жасау керек. Нәтижесі екі аптадан соң байқалады

Яндекс.Метрика