Қамырына:
Ұн – 2 стақан
Жұмыртқа – 1 дана
Су
Тұз

Салмасына:
Фарш – 300 гр
Пияз – 3 дана
Қара бұрыш дәміне қарай
Тұз
Сұйық май

Дайындалуы:
Бірінші ұн, жұмыртқа, су,тұз салып жақсылап қамыр илеп біраз уақытқа қойып қоямыз. Оған дейін салмасын даярлаймыз. Пиязды майдалап турап, фаршқа саламыз да бұрыш тұз сеуіп кішкене сұйық май құйып жақсылап аралатырамыз. Енді қамырымызды жайып, өз қалауыңызша дөңгелектеп немесе төртбұрыштап кесіп қамырымыздың ішіне салмасын саламыз да бүгеміз. Енді ыдысымызға су құйып оған маги салып жиберсеңіз дәмін жақсартады. Су қайнаған соң тұшпараларымызды салып, пісіреміз. Піскен түшпараларымызды тарелкаға салып бетіне аскөк пен қаймақ салып дастарханға қоямыз.