Аяғы ауыр әйелдер дұрыс тамақтанулары үшін мына кеңестерді орындау керек.
- Пайдаланатын азықты немесе көкөністер мен жеміс-жидектерді тазалап жуып барып пайдаланыңыз;
- Тамақ дайындамастан алдын және дайындап болғаннан соң қолдарыңызды дұрыстап жуыңыз;
- Тамақ дайындау кезінде таза заттарды (ас үй жабдықтары) пайдаланыңыз;
- Майы (жир) аз тағамдарды жеңіз. Арық малдың немесе құстың етін пайдаланыңыз. Олардың майы аз болады;
- Тамақ дайындау кезінде сапалы майды пайдаланыңыз;
- Аптасы ең аз дегенде екі рет балық жеңіз. Балық болғанда да консервіленген өнімдерді жеңіз;
- Балық, ет пен тауық етін, сондай-ақ жұмыртқаны жақсылап қуырыңыз, пісіріңіз;
- Шикі тағамдарды (жұмыртқа, ет, тауық еті, сүт өнімдері, ысталған балық) жүктілік кезінде пайдаланбаңыз;
- Жануарлардың бауырлары мен бауыр өнімдерін өте сирек пайдаланыңыз;
- Ақ қантты, шоколад өнімдерін және тәтті нандарды аз пайдаланыңыз. Ағзаға қажетті тәттілерді жеміс-жидектерді жеу арқылы алғаныңыз жөн;
- Күніне 2-3 шыныаяқ кофеден көп немесе 5 шыныаяқ қара шайдан артық кофеинді сусындарды ішпеңіз; құрамында хинин заты бар сусындарды ішпеңіз;
- Пайдалану мерзімі өтіп кеткен немесе ескірген азық-түлікті пайдаланбаңыз.
